Reseılikterdiń úshten birinen astamy kitap oqymaıdy - qoǵamdyq pikir
ASTANA. QazAqparat - Áleýmettanýshylar Reseıde oqyrmandar sany qysqara túskenin tirkeýde - reseılikterdiń úshten birinen astamy qolyna kitap almaıdy, tórtten úshi oǵan 50 rýblden artyq aqsha shyǵyndaýǵa ázir emes, degenmen kitaptardy ınternet jelisinen qotaryp alýshylar sany artyp keledi, árbir besinshi oqyrman ádebıettermen ınternet arqyly tanysady, dep habarlady reseılik «Jańalyqtar» agenttigi Búkilreseılik qoǵamdyq pikirdi zertteý ortalyǵyna silteme jasap.
Zertteý málimetterine qaraǵanda, reseılikterdiń úshten biri (34%) kitaptardy dúkenderden nemese qoldan satyp alady. Taǵy 24 paıyzy kitaptardy tanystarynan, dostarynan nemese týystarynan alyp oqıdy.
Degenmen sońǵy bes jylda ınternetten ádebıetter qotaryp alatyn reseılikter sany 3,5 ese ósken - 2014 jyly respondentterdiń 18 paıyzy ádebıettermen osylaısha tanysqan. Al saýal salynǵandardyń 17 paıyzy kóbine úı kitaphanasynan oqıdy, al qalalyq kitaphanalardy paıdalanýshylar respondentterdiń 8 paıyzy ǵana bolǵan. Joǵary oqý orny nemese kásiporyndar janyndaǵy kitaphanalardan kitap alýshylar 2 paıyz-aq bolypty. Saýal alynǵandardyń 15 paıyzy keıde eski kitaptardy býkınısterden satyp alatynyn, al 7 paıyzy tómen baǵaǵa qajetsiz kitaptardy alatynyn aıtqan.
1,5 myń rýblge jańa kitap satyp alýǵa reseılikterdiń 5 paıyzy ǵana ázir, respondentterdiń jartysy (54 paıyz) 200 rýbldiń jańa kitaptaryn alýǵa kelisedi, al saýal salynǵandardyń kópgshiligi (73 paıyzy) 50 rýblden artyq somaǵa kitap satyp alǵysy kelmeıdi.
Búkilreseılik qoǵamdyq pikirdi zertteý ortalyǵy bul saýalnamany osy jylǵy 24-25 mamyrda júrgizgen, oǵan Reseıdiń 42 oblystary, ólkeleri jáne respýblıkalaryndaǵy 130 eldi mekennen 1,6 myń adam qatysqan.
