Reseılikterdiń mıllıondaryn urlaǵan 59 jastaǵy aqtóbelik áıel ustaldy
AQTÓBE. QazAqparat – Aqtóbelik kúdikti Reseıdegi salymshylardyń esepshotynan mıllıondardy urlap, Qazaqstanda jasyrynyp júrgen, dep habarlaıdy QazAqparat tilshisi.
Aqtóbede «Іzdeý» aldyn alý sharasy ótip, Reseı polıtsııasynyń habarlaýymen 59 jastaǵy kúdikti ustaldy. Alǵa qalasynyń turǵyny Reseıdiń Chelıabi oblysy, Magnıtogorsk qalasynda «ÝralSIB» AAQ salymshylarynyń esepshotyndaǵy 155 mıllıon rýbldi, keıin 5 mıllıon rýbldi alyp ketken. Halyqaralyq izdeýden soń ol Aqtóbe oblysynan tabyldy.
«Krımınaldyq polıtsııa basqarmasy kúdiktini Alǵa qalasynan ustap, ýaqytsha tergeý ızolıatoryna qamady. Ony reseılik polıtsııaǵa beredi. Al «Іzdeý» aldyn alý sharasy kezinde oblysta qylmystyq iske qatysy bar 14 kúdikti ustaldy. Onyń beseýi TDM elderi aýmaǵynda izdeýde júr. Sonymen qatar iz-túzsiz joǵalyp ketken 8 adam tabyldy», - dep habarlady oblystyq PD baspasóz qyzmetiniń jetekshisi Erbolat Sarqulov.
