Reseılikterdiń Qazaqstanǵa aǵylýyna alańdaýdyń qajeti joq – sarapshy
«Reseı azamattarynyń Qazaqstanǵa kelýi kóptegen suraq týǵyzdy. Oǵan alańdaýdyń qajeti joq. Munyń birneshe sebebi bar. Birinshiden, kóshi-qon Shekara qyzmeti men Kóshi-qon qyzmetiniń baqylaýynda tur. Eshbir azamat shekara qyzmetiniń ruqsatynsyz óz elinen shyǵa almaıdy. Bizdiń shekara qyzmetiniń ruqsatynsyz eshkim de Qazaqstanǵa kire almaıdy. Sonymen qatar, búkil shetel azamattarynyń mindettemeleri bar. Olardy saqtamaý zańǵa sáıkes jazalaýǵa ákelýi múmkin», - dedi saıasattanýshy QazAqparat tilshisine bergen suhbatynda.
Ermek Toqtarov ekinshiden, Reseı azamattarynyń Qazaqstanda bolýynyń belgili bir erejeleri bar ekendigin alǵa tartady.
«Olar Qazaqstanda 90 kúnnen artyq bolmaýy tıis. Odan keıin ne ketýi, ne ýaqytsha turýǵa ruqsat alýy qajet. Quqyq qorǵaý organdary sheteldik áriptesterimen ózara is-qımyl tetigin ázirlep qoıǵan jáne sheteldikter elimizde júrip-turý qaǵıdalaryn buzǵan jaǵdaıda deportatsııalaýǵa deıingi sharalardy qoldana alady», - dedi ol.
Sarapshy úshinshiden, Qazaqstan - halyqaralyq quqyqty saqtaıtyn jáne kóshi-qon máseleleri boıynsha óz zańnamasy bar ashyq el ekendigine nazar aýdartady.
«Ár adamnyń jer betinde erkin júrýge quqyǵy bar. Adamdar Qazaqstanǵa týrızm jáne jumys maqsatynda kele alady. Óz elinde zańnan bas tartqandar úshin jazanyń árqıly túrleri qarastyrylǵan. Sondaı-aq, zańnan jasyrynǵan azamattardy anyqtaý jáne olardy memleketine qaıtarý týraly memleketaralyq kelisimder bar. Sondyqtan búkil kóshi-qon aǵyny naqty baqylanady. Sheteldikterdiń elimizde júrip-turý erejesi de, quqyq buzýshylyqtardyń aldyn alý tetikteri de qoldanysta. Mundaı jaǵdaıda memlekettik organdarǵa sený, sondaı-aq tek resmı aqparatty qaraý mańyzdy», - dep túıindedi oıyn Ermek Toqtarov.
Foto: kisi.kz
