Reseılikterdiń elimizdiń bank shottarynan aqsha jymqyrý faktileri tergelip jatyr
NUR-SULTAN. QazAqparat – QR Іshki ister mınıstriniń birinshi orynbasary Marat Qojaev Reseı aýmaǵynan qazaqstandyqtardyń bank shottarynan qarjy jymqyrý faktileri boıynsha túsinik berdi, dep habarlaıdy QazAqparat tilshisi.
Parlament Májilisiniń jalpy otyrysynda depýtat Artýr Platonov elimizdiń azamattarynyń múlkine qatysty Reseı aýmaǵynda jasalǵan 42 qylmystyq is tergelip jatqanyn atap ótti. Atap aıtqanda, alaıaqtyq jolmen jáne aqparattyq tehnolgııalardy paıdalaný arqyly bank shottarynan qazaqstandyqtardyń aqshasy jymqyrylǵan.
«42 qylmysqa toqtalsaq, shynymen de QR Іshki ister mınıstrligi tarapynan Reseı aýmaǵynda jasalǵan qylmystyq isti tergep jatyr. Bul qylmysqa kúdikti alaıaqtar anyqtalmaı jatyr. Olar jelidegi jalǵan jarnamalyq múmkindikterdi paıdalana otyryp, bizdiń azamattardyń shottaryna qol jetkizip júrgen. Osy oraıda elektrondy tásildermen qazaqstandyqtardyń aqshasyn Reseı aýmaǵyna aýdarǵan, shamamen 200 mıllıonǵa jýyq. Meniń bilýimshe, bul qarjy Máskeý, Sank-Peterbor, Ýfa jáne birneshe qalanyń aýmaǵanan shyǵarylyp alyndy. Biz Mınsk konventsııasyna sáıkes, bankterde aqshany shyǵaryp alǵan adamdarǵa qatysty vıdeony usyný týraly saýal joldadyq», - dedi Marat Qojaev.
Onyń atap ótýinshe, bul baǵyttaǵy rásimder birneshe aıǵa sozylýda.
«Kelisý rásimderi bizdiń organdar arasynda ótkenshe, keıin QR Bas prokýratýrasy arqyly, sondan keıin RF Bas prokýratýrasynan ótkizilgenshe, ıaǵnı bul atqarylatyn jumystar shamamen eki aıǵa jalǵasady. Ózderińiz bilesizder, osy ýaqyt ishinde vıdeo materıaldardy saqtaý merzimi ótip ketedi. Qazirgi kezde keıbir faktiler boıynsha qajetti vıdeo-jazbalar saqtalmaǵany habarlandy. Sondyqtan búgin Májiliste qaralǵan qujat osy tektes máselelerge jedel áreket etýge múmkindik beredi», - dedi M. Qojaev.
Aıta keteıik, búgin Parlament Májilisiniń jalpy otyrysynda «TMD-ǵa qatysýshy memleketterdiń aqparattyq tehnologııalar salasyndaǵy qylmystarmen kúrestegi yntymaqtastyǵy týraly kelisimdi ratıfıkatsııalaý týraly» zań jobasy maquldandy.
