Reseılikterdiń alkogoldi paıdalanǵanyn ne paıdalanbaǵanyn kóshede teksermek
ASTANA. QazAqparat - Reseıde jaqyn arada «ókiletti tulǵalar» kez kelgen azamattyń alkogoldi nemese esirtki zatyn paıdalanǵanyn ne paıdalanbaǵanyn teksere alady.
Memlekettik dýma Ákimshilik quqyq buzýshylyq týraly kodekske engiziletin ózgeristerdi qabyldamaq. Oǵan sáıkes polıtseıdiń mastyqty kýálandyrýdan ótý talabynan bas tartqan jaıaý júrginshiler 5 myń rýbl tólep nemese 15 táýlikke deıin qamaýǵa alynýy múmkin.
Bul túzetýdi Dýma búgin qabyldaýy múmkin. Memdýmanyń qaýipsizdik boıynsha tóraıymy Irına ıArova bastaǵan depýtattar tobynyń zań jobasyn salalyq komıtet maquldady. Bul zań qabyldansa, quqyq qorǵaý organynyń qyzmetkeri - «ókiletti tulǵa» kez kelgen azamattan medıtsınalyq kýálandyrýdan ótýdi talap ete alady. Tyıym salynǵan nemese qoǵamdyq orynda ishimdik ne esirtki paıdalandy degen kúdik týǵan kezde «ókileti tulǵalar» bul sharany qoldana alady. Búginde tyıym salynǵan jerlerde alkogoldi paıdalanǵandarǵa 500-1500 rýbl kóleminde aıyppul salynady. Kýálandyrý talaby esirtki men psıhotropty zattardy únemi paıdlanady dep seziktelgen kez kelgen azamatqa qoıylýy múmkin.
Buz jańashyldyq qyzmettik bapty paıdalanýdyń taǵy bir jolyn ashýy yqtımal. Mas azamattardyń izine túsý isin adal oryndamaıtyn quqyq qorǵaý organdaryna bıznestiń bir túrine aınalýy múmkin, dep jazdy Ýtro.rý.
