Reseılikterdi ýaqtyly tirkeýge qoımaǵan 16 myń qazaqstandyq jaýapqa tartyldy

ASTANA. QazAqparat – Jyl basynan kóshi-qon zańnamasyn buzǵan 45 707 sheteldik ákimshilik jaýapkershilikke tartyldy. Bul týraly QR ІІM Kóshi-qon komıteti tóraǵasynyń mindetin atqarýshy Aslan Atalyqov aıtty, dep habarlaıdy QazAqparat tilshisi.

«Іshki ister organdary sheteldik azamattardyń elimizde júrip-turýyn baqylaýdy turaqty negizde júrgizedi. Sheteldikterdiń Qazaqstanda júrip-turý erejelerin saqtaýyn baqylaý ýaqytsha turýǵa beriletin ruqsat negizinde júzege asyrylady. Ony alý protsesi rettelgen. Zańda kózdelgen jaǵdaıda sheteldikke eńbek shartynyń merzimine, oqý, emdelý jáne basqa da tolyq negizder kezinde Qazaqstanda bolý quqyǵyn beretin ýaqytsha turýǵa ruqsat alǵanda turǵylyqty mekenjaıy, turǵyn úı ıesi jáne onda turatyn sheteldikter týraly tolyq aqparatymyz bolady. Bul kóshi-qon baqylaýdy qamtamasyz etýge múmkindik beredi», - dedi Aslan Atalyqov ІІM baspasóz qyzmetindegi brıfıng barysynda.

Onyń dereginshe, osy jyldyń basynan beri ýaqytyly esepke qoımaı, reseılik azamattardy qabyldaǵan 16 240 adam ákimshilik jaýapqa tartyldy.

«Kóshi-qon zańnamasyn buzǵany úshin barlyǵy 45 707 shetel azamaty ákimshilik jaýapkershilikke tartyldy. Onyń ishinde RF azamattary – 2 959. Elden 4 190 adam shyǵaryldy. Onyń ishinde 203 reseılik bar», - dedi ol.