Reseılikterdi qyzyqtyryp, 28 mln. rýbl aqshasyn qaǵyp alǵan 72 jastaǵy Qaraǵandynyń týmasy ustaldy
ASTANA. QazAqparat -Máskeýde qarjylyq pıramıda quryp, azamattardy eliktirip, 28 mıllıon rýblden astam qarjysyn qaǵyp alǵan 72 jastaǵy Qaraǵandynyń týmasy ustaldy, dep habarlady 360tv.ru.
RF ІІM Máskeý boıynsha Bas basqarmasynan habarlaǵandaı, alaıaq, Qaraǵandynyń týmasy zardap shegýshilerdi ártúrli bankterde nesıe alyp, alynǵan aqshalaryn «bıznes-jobaǵa» salýǵa sendirip, úlken mólsherleme berýge ýáde etken. Ózderiniń dostary men tanystaryn tartqan adamdarǵa da tólemder beriletinine ýáde etilgen.
«Azamattardan zaemdyq aqsha qarajattaryn alǵan alaıaq olarǵa nesıeniń 10 paıyzǵa jýyǵyn tólegen, qalǵanyn keıinirek berýge mindettengen. Nesıegerlerdi sendirý úshin alǵashqy kezde zaemdar bere bastaǵan, biraq ta keıinnen bankterden qordalanyp qalǵan boryshtary jóninde telefon qońyraýlary túsken kezde, «bıznes-áriptes» baılanysqa shyqpaǵan», - dep áńgimeledi quqyq qorǵaýshylar.
Alaıaq zeınetker Ortalyq okrýgtegi páterlerdiń birinde ustalǵan. Alaıaqtyq qylmys 2012-2015 jyldar aralyǵynda óristegen. Oǵan qatysty RF QK 159-babymen («Asa iri kólemdegi alaıaqtyq») qylmystyq is qozǵaldy. Kúdikti ustaldy.
