Reseılikterdi qysqartylǵan jumys aptasy kútip tur
MÁSKEÝ. QazAqparat - Reseılikter osy aptada 4 kún ǵana jumys isteıdi. Al 1 shilde kúni jumys istegender eki ese jalaqy alady, dep habarlaıdy QazAqparat TASS agenttigine silteme jasap.
29 maýsym men 5 shilde aralyǵynda Reseıde jumys aptasy qysqarady. Óıtkeni 1 shilde - konstıtýtsııaǵa engiziletin túzetýler úshin daýys beretin negizgi kún. Bul kúni elde demalys jarııalanǵan.
Reseı konstıtýtsııasyna túzetý engizý úshin daýys berý 25 maýsymda, eldiń barlyq óńirinde bastalǵan edi. Al Prezıdent ejarlyǵymen daýys beretin negizgi kún - 1 shilde. Bul - elde koronavırýs ınfektsııasy taralmas úshin qolǵa alynǵan shara.
Ortalyq saılaý komıssııasynyń qaýlysyna sáıkes, daýys beretin ýchaskeler 25 maýsym men 1 shilde aralyǵynda tańǵy saǵat 8-den keshki 8-ge deıin jumys isteıdi.
1 shilde kúni jergilikti ýaqytpen keshki 8-den keıin daýys sanaý bastalady.
