Reseılikter zańdy neke úshin kezekke turýǵa qarsy shyqty
ASTANA. QazAqparat - Reseılik AHAJ bólimderi zańdy túrde nekeleskisi keletinderdiń sany artýyna baılanysty endi táýlik boıy nemes e 16 saǵattyq jumys kestesine ótýi múmkin, dep jazady TASS.
Bul usynysty Ádilet mınıstrligi janyndaǵy Qoǵamdyq keńes múshesi Vladıslav Grıb málim etti, dep jazǵan «Investııa» gazetiniń búgingi beısenbilik sanynda.
«Nekeni tirkeý tek jumys ýaqytynda ǵana tirkeý durys emes. Kezekke turýshylar kóp, shaǵymdar túsip jatyr. AHAJ bólimderiniń jumys ýaqytyn uzartý kerek, ıaǵnı úlken qalalarda Neke saraılary en bolmaǵanda túngi saǵat 11-12-ge deıin isteýi kerek», - degen V.Grıb basylymǵa bergen suhbatynda. Qazirgi kezde, qoldanystaǵy zańnamaǵa sáıkes, nekeni tirkeý úshin memlekettik baj salyǵynyń kólemi 350 rýbldi qurap otyr, alaıda ony túngi ýaqytta tirkeý odan qymbatqa túsýi múmkin, sebebi AHAJ qyzmetkerlerine ústeme aqy tóleý kerek bolady, - deıdi V.Grıb.
