Reseılikter ótken jyly jańa kólikke 71 mlrd. dollar shyǵyndady
ASTANA. 22 qańtar. QazAqparat - Ótken jyldyń qorytyndysy boıynsha Reseıde jańa jeńil avtomobılderdiń satylymy 71 mlrd. dollardy qurap, 2011 jylmen salystyrǵanda 21 paıyzǵa artty,
dep habarlady Reseı «Jańalyqtar» agenttigi.
Reseıde shyǵarylǵan kólikterdiń satylymy 3 paıyzǵa tómendep, 6,7 mlrd. dollardy quraǵan. Al Reseıde shyǵarylatyn sheteldik kólikter bolsa, 32 paıyzǵa ósim kórsetken. Sonymen qatar Reseıge ımporttalǵan kólikterdiń jalpy quny 33,1 mlrd. dollarǵa jetti. Jalpy ótken jyly 2,76 mln. kólik satylǵan.
