Reseılikter Mańǵystaýdyń qasıetti jerleri týraly fılm túsiredi
AQTAÝ. QazAqparat - Reseılik saıahatshylar «Tuzbaıyr tuzy» atty derekti fılm túsirdi. Bul týraly tumba.kz habarlady.
Fılmde 2017 jyldyń kúzinde Mańǵyshlaq túbegindegi dalada jol talǵamaıtyn kóliktermen saıahat týraly aıtylady. Sapardy «RED Off-road Expedition» avtoklýby uıymdastyrǵan.
«Tuzbaıyr tuzy» atty derekti fılmde Mańǵystaýdyń saıahatshylardy qyzyqtyratyn erekshelikteri, kórikti jerleri, sondaı-aq ekspedıtsııaǵa qatysqan qatysýshylardyń pikirleri keltirilgen.
Aıta keteıik, budan buryn avtoklýbtyń qatysýshylary «RED Off-road Expedition: Álem shólderi. Qazaqstan» derekti fılmin shyǵarǵan edi. Onda 2016 jyldyń jeltoqsanynda qar basqan Mańǵystaý oblysyna jasalǵan sapar baıandalǵan.
