Reseılikter qurǵan qarjy pıramıdasyna Aqtóbe turǵyndary 10 mlrd teńge salǵan
Іs 2021 jyly sotqa túsip, onda Reseı azamattary Pavel Lıtvınenko, ıÝrıı Moskvın jáne Aqtóbe qalasynyń turǵyny Ravıl Qazybaevqa Qylmystyq kodekstiń «Uıymdasqan top, qylmystyq uıym qurý jáne olarǵa basshylyq etý, sol sııaqty olarǵa qatysý», «Qarjylyq (ınvestıtsııalyq) pıramıdany qurý jáne oǵan basshylyq etý» baptary boıynsha aıyp taǵyldy.
Іs materıalyna súıensek, Pavel Lıtvınenko, ıÝrıı Moskvın jáne Ravıl Qazybaev 2019 jyldyń qazan aıy men 2020 jyldyń aqpan aıy aralyǵynda qarjylyq qylmys jasaǵan.
Pavel Lıtvınenko uzaq jyldar boıy túrli jelilik marketıng arqyly satý-satyp alýmen aınalysyp, tájirıbe jınaǵan. Sol qabiletin alǵa tartyp, ózgelerdi aldap-arbaý jolyn oılastyryp, qarjy pıramıdasyn qurdy. Sóıtip 2019 jyly JShS-in zańdastyrdy. Adamdardy kanadalyq «ASHLY» kompanııasyna ınvestıtsııa salýǵa úgittedi. Ol ınvestıtsııa salýdyń 7 jolyn usynǵan. Eń tómengi baǵa 300 myń teńge bolsa, eń kóbi 10 mln teńge dep belgilengen. Osylaısha adamdarǵa 10 mlrd teńgeden astam shyǵyn keldirdi. Sottalýshylar shyǵynnyń kóp bóligin ótegenimen, áli de 2,4 mlrd teńgeni qaıtarýy tıis.
Aqtóbe qalalyq №2 sotynda qaralǵan qylmystyq iske úkim shyqty. Pavel Lıtvınenko 12 jylǵa bas bostandyǵynan aıyryldy. Ol 7 jyl boıy kommertsııalyq jáne qarjylyq uıymdarda basshylyq qyzmet atqara almaıdy. ıÝrıı Moskvın 9 jylǵa, al Ravıl Qazybaev 6 jylǵa bas bostandyǵynan aıyryldy. Olar jazasyn qaýiptiligi ortasha túzetý mekemesinde óteıdi. Sonymen birge úsh sottalýshy jábirlenýshilerdiń shyǵynyn tolyq óteýi tıis. Jábirlenýshilerdiń kóbi 300 myń teńge aqshasyn senip berse, keıbiri 4-10 mln teńgesin aýdarǵan.
Sot úkimi zańdy kúshine engen joq.
