Reseılikter qazaqstandyq jaýyngerdiń súıegin tapty

ShYMKENT. QazAqparat - Reseılikter qazaqstandyq jaýyngerdiń súıegin tapty. Kýrsk oblysyna qarasty Ponyrı aýdanynda júrgizilgen izdestirý jumystary kezinde belgisiz sarbazdyń súıegi tabylǵan. Bul týraly «Zastava sv. Ilı Mýromtsa» áskerı-patrıottyq qaıyrymdylyq qorynyń basshysy bizdiń elge joldaǵan hatynda jazǵan, - dep habarlaıdy QazAqparat HAA tilshisi.

Andreı Fetısovtyń málimdeýinshe jaýyngerdiń qaltasynda quran men kishkene saýyt (medalon) tabylǵan. Onda anasy Pýlýmgýz Ahmambekova ekeni jáne onyń Saıram aýdany, Molotov kolhozynda turatyny kórsetilipti. Al, jaýyngerdiń súıegi tabylǵan aýmaqta  NKVD -nyń 140-shy Sibir atqyshtar dıvızııasy soǵysqany belgili boldy.  Іzdestirý toby zertteı kele, jaýyngerdiń OQO, Saıram aýdany, Mankent stansasynan maıdanǵa 1942 jyly 17 naýryzda attanǵanyn anyqtaǵan. Meken- jaıy Mankent stansasy, Qarabulaq poshta bólimshesi, Molotov kolhozy ekeni naqtylandy. 
 

Reseılikter qazir qaltasynda quran tabylǵan jaýyngerdiń týǵan týystaryn izdestirýde. Sondaı-aq jat elde qaza tapqan jaýyngerdi osy jyldyń  7 mamyr kúni RF, Kýrsk oblysy, Ponyrı aýdanynda quranmen qosa qaıta jerleý josparlanyp otyrǵanyn eskertedi.