Reseılikter Qazaqstandy eń senimdi áriptes dep tanydy
SANKT-PETERBOR. 14 jeltoqsan. QazAqparat /Elena Mıagkova/ - Reseılikterdiń pikirinshe TMD aýmaǵy boıynsha eń senimdi áriptes ol - Qazaqstan (37 paıyz).
Byltyrǵy jyly kóshbasshy bolǵan Belarýs endi ekinshi orynǵa tústi (23 paıyz). Bul Búkilreseılik qoǵamdyq pikirdi oqý ortalyǵynyń júrgizgen saýalnama nátıjesi, saýalnama barysynda reseılikter TMD ishinen óz eliniń eń senimdi áriptesi qandaı memleket ekenin anyqtap kórsetken.
Reseı azamattarynyń pikirinshe, Qazaqstan TMD keńistigi boıynsha eń turaqty ári jemisti damyǵan memleket (34 paıyz, bir jyl buryn 29 paıyz bolǵan). Ekinshi orynda Belarýs eli tur (41 paıyzdan 31 paıyzǵa deıin tómendegen). Úzdik úshtiktiń sońynda ólshengen kezeń boıynsha ustanymyn rektordtyq dárejede ósirgen Ýkraına memleketi tur (5 paıyzdan 19 paıyzǵa deıin artqan). Odan ári Armenııa (9 paıyz), Ázirbaıjan (6 paıyz), Moldova men Túrikmenstan (5 paıyz daýys), Ózbekstan men Grýzııa (3 paıyz) memleketteri tizimdelgen. Reseılikterdiń pikirinshe, Qyrǵyzstan men Tájikstan da burynǵydan qaraǵanda turaqty memleketke aınalǵan, bul elder sáıkesinshe 2 jáne 1 paıyz daýys jınaǵan.
Búkilreseılik saýalnama 2010 jylǵy 23-24 qazan aralyǵynda ótken. Saýalnamaǵa 138 eldi meken men 46 oblys, sonymen qatar Reseıdiń shalǵaı aımaqtarynan 1 600 adam qatysqan.
