Reseılikter Italııanyń túngi klýbynyń esepshotyna 86 myń eýro tólemeı ketti
ASTANA. 23 tamyz. QazAqparat - Sılvıo Berlýskonı jıi bolatyn Sardınııa túngi klýby kelýshileriniń kóptigimen jurtshylyqqa keńinen tanymal ekeni belgili.
Klýb jaqynda reseılikter 86 myń eýro tólemeı qashyp ketkennen keıin polıtsııa shaqyrýǵa májbúr boldy.
«The Guardian» agenttiginiń habarlaýynsha, segiz adamnan turatyn reseılik top 90 shólmek aq qaınarǵa tapsyrys bergen. Sondaı-aq, Italııanyń eń bedeldi Billionaire túngi klýbynan spırttik ishimdikterdi de osy kólemde aldyrtqan.
«Barlyq kerek-jaraqtar men araq-sharaptar ıahtaǵa aldyrtylǵan, sondaı-aq, tólem de kepildendirilgen, dep málimdeıdi túngi klýbtyń resmı ókili Patrıtsııa Spınellı (Patrizia Spinelli).
«Klýbta baı adamdar óte kóp bolǵan. Reseılikterdiń olardan esh aıyrmashylyǵy baıqalǵan joq», - deıdi ol.
Kýágerlerdiń aıtýynsha, jas olıgarhtar bir biriniń ústerine aq qaınar quıyp oınaǵan.
