Reseılikter aqshaǵa Pýtın men Stalınniń sýretin salýdy usynady
ASTANA. QazAqparat - Ortalyq banktiń kelesi jyldan bastap nomınaly 200 jáne 2000 rýbldik eki kýpıýrany aınalymǵa engizetini týraly jańalyq reseılikter arasynda dúrbeleń týǵyzdy, dep habarlady Bı-bı-sı.
Reseı Banki ýáde etken banknot dızaınyn jarııa talqylaýdy kútpesten azamattardyń ózderi Change.org. halyqaralyq alańynda pikirsaıysqa bastamashy boldy.
Senbiden bastap, reseılikter platformada kýpıýralar dızaıny jóninde 1300-den astam petıtsııa jazdy. «Bizde mundaı belsendilik buryn-sońdy bolmaǵan edi, deıdi Change.org portalynyń Shyǵys Eýropa jáne Ortalyq Azııa boıynsha dırektory Dmıtrıı Savelov. - Ádette reseılikter bir aı ishinde 2 myńǵa jýyq petıtsııa usynatyn».
«Reseılikterdiń burynǵy belsendilikteri qazirgige qaraǵanda anaǵurlym báseń bolatyn. Máselen ótken jylǵy daý-damaı jol-kólik oqıǵalary jáne aýrýhanalardyń jabylýy týraly óristedi», - deıdi ol. Tanymal petıtsııalar reıtıngisinde Vladıvostok kósh bastap tur. Bul qalanyń panoramasy myńdyq banknottarda bolǵan edi. Odan ári Kostroma men 2015 jyly 2000 jyldyǵyn ótkizgen Daǵystandaǵy Derbent keledi. Álemdegi tuşy sýly úlken kól - Baıkaldy beıneleý jónindegi usynystar da shet qalmady.
Birqatar daýys berýshiler jańa kýpıýrada keńestik ǵaryshker ıÝrıı Gagarınniń beınesin salýdy usynady. Eki petıtsııada KSRO basshysy Iosıf Stalınniń portretine qoldaý bildirilgen. Qazirgi prezıdent Vladımır Pýtınniń obrazyn banknotqa salý jáne tipti gollıvýdtik juldyz Chak Norrısti de (sirá ázil bolsa kerek...) aıtyp jibergen.
Reseı Banki jańa kýpıýralardy aınalysqa engizýge nıetti ekenin 12 sáýirde Ortalyq bank basshysy Elvıra Nabıýllına habarlaǵan bolatyn. Onyń aıtýynsha, Reseı Banki jańa banknottarda reseı aımaqtarynyń sımvoldaryn beıneleýdi quptaıdy.
Reseıdiń qazirgi aqsha serııasy 1995 jyly engizilgennen keıin onsha kóp ózgeriske ushyraǵan joq. 1998 jyly kýpıýralardan artyq nólder, 1000-rýbldik kýpıýralar alynyp tastaldy (ony nomınaly 1 rýbldik shaqalarmen aýystyryldy).
Qazirgi serııa «shuǵyl» daıarlandy, biraq ta onyń ómiri uzaq bolatynyn eshkim de bilmedi, deıdi Goznaktyń burynǵy sýretshisi ıÝrıı Koverdıaev. Sol kezde de aqshaǵa ataqty reseılikterdiń sýretteri kompozıtsııalaryn salý ıdeıalary bolǵan. Máselen, Pýshkın Peterbýrgpen, Mendeleev óziniń kestesimen, Sýrıkov Sývorovtyń Alpi joryǵy týraly sýretimen, Chaıkovskıı...
Koverdıaevtiń aıtýynsha, jańa banknottarda jalpy «aımaqtyq» taqyryp oryn alýy tıis. «Aqsha - memlekettiń beınesi, sondyqtan da ony myqtap oılaný qajet», deıdi ol.
«Reseıdiń beınesi» jańa banknottarda qandaı bolýy týraly oılaryn el azamattary bıylǵy jazda jańa kýrıýralardyń dızaıny federaldyq telearnalardyń birinde ashyq talqylaý bastalǵan kezde bildire alady.
