Reseılikter admıral Kolchakqa eskertkish turǵyzýǵa qarsy
ASTANA. 6 qazan. QazAqparat - Reseılikter admıral Kolchakqa eskertkish qoıý máselesi boıynsha daýlasýda. Bul jóninde Jas Alash jazady.
Omby oblysynyń (Reseı) 72 jastaǵy gýbernatory Leonıd Polejaev qyzmetinen ketkennen keıin onyń ornyna 50 jastaǵy Vıktor Nazarov kelgen-di. V.Nazarov kelgeli Omby qalasynda eskertkishter kóbeıe bastady. Jaqynda V.Nazarov Ombynyń ortalyǵynan admıral A.V.Kolchaktyń eskertkishine arnaıy oryn daıyndatqyzdy.
"1918-22 jyldar aralyǵynda Kolchak dál osy Ombynyń ózinde uzyn sany 10 myń adamdy atqyzdy. Suraýsyz. Tergeýsiz. Tekserýsiz. Onyń 2 myńǵa jýyǵy Ombynyń jumysshylary bolatyn. 3 myńnan astamy Ombynyń irgesinde turatyn sharýalar edi. Olardy bala demeı, shaǵa demeı, áıel demeı, aýyl-aımaǵymen qosa órtep jiberdi... Osyndaı qanisherge qalaı eskertkish qoıamyz?.." deıdi Nıkolaı Berezovskıı bastaǵan ombylyqtar.
Ne kerek, qazir Ombyda Kolchak úshin "qyzý shaıqas" júrip jatyr. Kim jeńetini ázirge belgisiz.
