Reseılik zymyran Qazaqstandaǵy nysanaǵa dóp tıdi
ASTANA. QazAqparat - Astrahan oblysyndaǵy «Kapýstın ıAr» polıgonynda RS-12M "Topol" qurlyqaralyq ballıstıkalyq zymyran synaǵy ótkizildi. Ony ushyrý 4 naýryzda máskeý ýaqytymen saǵat 22.10-da júrgizildi. Bul týraly RBK agenttigi Reseı qorǵanys mınıstrliginiń baspasóz baıanyna silteme jasap habarlady.
Ony ushyrý maqsatyn Qorǵanys mınıstrligi «perspektıvalyq jaýyngerlik qurlyqaralyq ballıstıkalyq zymyrandy» synaý dep ataıdy. Zymyran Qazaqstandaǵy «Saryshaǵan» polıgonynyń jattyǵý nysanasyna dóp tıdi.
Qorǵanys mınıstrliginiń atap ótýinshe, «Kapýstın ıAr» ballıstıkalyq zymyrandardy synaıtyn biregeı polıgon bolyp tabylady, óıtkeni onyń synaq joldary jáne ólsheý keshenderi jaýyngerlik qarý-jaraqtardy synaýǵa, áýe-qorǵanysy júıesin eńserýge qabiletti.
Reuters agenttiginiń naqtylaýynsha, Reseı zymyrandy synaq maqsatynda ushyrý josparlanyp otyrǵany jaıly AQSh-ty aldyn-ala qulaǵdar etken. Qurlyqaralyq ballıstıkalyq zymyran synaǵyn taǵaıyndaý Ýkraınadaǵy jaǵdaıdyń shıelenisýinen buryn belgilengen bolatyn.
Eske sala keteıik, aqpannyń sońynda - naýryzdyń basynda Qorǵanys mınıstrligi aýqymdy jattyǵý ótkizdi, oǵan Batys áskerı okrýginiń áskerleri, sondaı-aq onyń aýmaǵynda ornalasqan quramalar men áskerı bólimder, Ortalyq áskerı okrýginiń 2-shi armııasy, Áýe-Ǵaryshtyq qorǵanysynyń, Áskerı-desanttyq áskerlerdiń bólimsheleri, qashyqqa ushyrylatyn jáne áskerı-kóliktik avıatsııanyń bólimderi tartyldy. Áskerılerge daǵdarysty jaǵdaılardy sheshýde is-qımylǵa qabilettilikti tekserý mindeti qoıyldy. 3 naýryzda Vladımır Pýtın áskerılerge ózderiniń turaqty ornalasqan jerlerine qaıtýǵa buıryq berdi.
