Reseılik júrgizýshilerdiń teń jartysy eski kólikpen júredi
ASTANA. 3 naýryz. QazAqparat - «Avtostat» agenttiginiń qyzmetkerleri reseılikterdiń qandaı kólikpen júretinin zerttedi.
Onyń nátıjesi boıynsha, olardyń kóbi eski «temir-tersek» minetin bolyp shyqty. Sonymen, Reseı joldaryn tozdyryp júrgen kólikterdiń ortasha jasy 12,5 jyldy quraıdy, deıdi beta.novoteka.ru saıty.
Árıne, Reseıde zamanaýı sýperkólikter joq deýge bola qoımas, degenmen, ondaǵy máshınelerdiń ekeýiniń biri 10 jastan asqan «eski arba» dep aıtýǵa bolady. Statıstıkalyq málimetter boıynsha, mundaı kólikter eldegi barlyq kóliktiń 49,6 paıyzyn quraıdy eken.
Onymen qoımaı, bul «temir-tersekterdiń» negizgi bóligi reseılik markalar bolyp shyqqan. Taratyp aıtsaq, Lada-larnyń ortasha jasy - 13,8 jyl, ÝAZ-diki - 15,4 jyl, GAZ-diki - 15,7 jyldan.
Al sheteldik kólikterdiń de «kónekózderi» Reseıde kóptep kezdesetin kórinedi. Máselen Audi-lerdiń ortasha jasy - 16,1 jyl, Mercedes pen BMW - 13,2 jyl, Volkswagen - 13,1 jyl, Toyota - 12,5 jyl, Opel - 12 jyl.
Degenmen, jyldan jylǵa Reseıdiń avtoparki jasaryp keledi. Máselen, 2010 jyldyń basy men sońyndaǵy derekter boıynsha ortasha jas 12,8-den 12,5-ke deıin azaıǵan.
