Reseılik jeńil atletterdi jarystan shettetý 10-ynshy ret uzartyldy
ASTANA. QazAqparat - Halyqaralyq jeńil atletıka federatsııasynyń qaýymdastyǵy (IAAF) reseılik sportshylardy halyqaralyq jarystardan alyp tastaý týraly sheshimin taǵy da uzartty, dep habarlaıdy VVS.
IAAF búkilreseılik jeńil atletıka federatsııasynyń dıskvalıfıkatsııasy merzimin uzartty.
Aıta ketsek, BJAF-ynyń IAAF-ge músheligi 2015 jyldyń qarasha aıynda toqtatylǵan bolatyn.
Dıskvalıfıkatsııa reseılik tarap IAAF qurǵan múshelikti qalpyna keltirý talaptarynyń barlyǵyn oryndaǵanǵa deıin óz kúshinde bolady. IAAF osymen onynshy ret BJAF músheligin qalpyna keltirýden bas tartty.
IAAF-qa múshelik 2015 jyldyń qarasha aıynda Dúnıejúzilik dopıngke qarsy agenttiktiń táýelsiz komıssııasy Reseıde dopıngti paıdalaný jáne jasyrý úshin memlekettik qoldaý júıesi anyqtalǵan baıandamasy jarııalanǵannan keıin toqtatyldy. Osynyń saldarynan reseılik jeńil atletter Rıo-de-Janeıroda ótken olımpıada oıyndaryna qatysýdan shettetildi.
