Reseılik jasóspirim 13 saǵattyq sán kórsetiliminen keıin kóz jumdy
ASTANA. QazAqparat - Reseılik jas model Qytaıda uzaqqa sozylǵan sán kórsetiliminen keıin komaǵa túsip, kóz jumdy, dep jazady The Siberian Times.
Reseıdiń Perm qalasynda týyp ósken 14 jastaǵy Vlada Dzıýba Shanhaı qalasyna kelisimshart boıynsha úsh aıǵa ketken. 25 qazan kúni jasóspirim qyzdyń dene qyzýy kóterilip, hali nasharlaǵannan keıin ol komaǵa túsip, 2 kúnnen keıin kóz jumǵan.
Mektep oqýshysy bul saparǵa ata-anasyz jalǵyz ketken. Onyń ústine Vladanyń Qytaıǵa jasaǵan saparynda medıtsınalyq saqtandyrý bolmaǵan.
Aldyn ala málimetterge qaraǵanda, reseılik jas sánger menıngıtten kóz jumǵan. Vladanyń anasy qyzynyń Qytaıdaǵy sapary kezinde qatty sharshaǵandyǵyn aıtty.
«Ol maǵan qatty sharshaǵandyn aıtty. Onyń aýyryp júrgendigin estip, oǵan emhanaǵa barý týraly qaıta-qaıta aıtyp edi», - dedi anasy.
Basylymnyń jazýynsha, mektep oqýshysynyń tragedııalyq ólimi sán ındýstrııasyna balalardy tartý qoǵamdyq problemasyn týǵyzyp otyr.
