Reseılik «Zenıt» alańǵa júgirip shyqqan mysyqtyń kesirinen aıyppul tóleıtin boldy
ASTANA. QazAqparat - «Zenıt» alańǵa júgirip shyqqan Mashka atty mysyqtyń «ábes qylyǵy» úshin 5 myń rýbl aıyppul tóleıdi.
«Zenıt» fýtbol komandasyna Reseı Kýboginiń 1/8 fınalynda 25 myń rýbl aıyppul salyndy. Oıyn kezinde alańǵa mysyq júgirip shyǵyp, alańnyń sol jaq boıymen júgirgen.
«Zenıt» qaqpashysy ıÝrıı Lodygın janýarǵa jaqyndaǵanda mysyq alańnan qashyp ketken. Ony «Zenıt» qyzmetkerleri alań syrtynda ustady. «Petrovskıı» jumysshylarynyń aıtýynsha, bul jerde burynnan Mashka esimdi mysyq mekendeıdi.
Mysyq úshin «Zenıtke» 5 myń jáne jankúıerleriniń pırotehnıka paıdalanǵany úshin taǵy 20 myń aıyppul salyndy. Alaıda mundaı somany qarsylasy «Tosno» da tóleýge májbúr boldy, dep habarlaıdy reseılik BAQ.
