Reseılik veloshabandoz dopıngpen ustaldy - Týr de Frans
ASTANA. 12 shilde. QazAqparat - «Týr de Frans» týrnıriniń reseılik qatysýshysy Aleksandr Kolobnev dopıng-test synaǵynan óte almaı qaldy.
Bul týraly Veloshabandozdardyń halyqaralyq odaǵynyń saıtynda jarııalandy, dep habarlaıdy RBK.
Derek kózdiń aqparaty boıynsha, A.Kolobnevtiń aǵzasynan qan qysymyn tómendetetin tyıym salynǵan zat - gıdrohlorotıozıd preparaty tabylǵan. Bul bıylǵy týrnır bastalǵaly beri anyqtalǵan birinshi dopıng oqıǵasy.
UCI erejesi boıynsha, A.Kolobnev týrnırden dereý shyǵaryp tastalmaıdy. Degenmen, UCI, reseılik shabandozdyń komandasy «Týr de Frans» týrnırine qatysýlaryn jalǵastyrý úshin qajetti qadamdar qabyldaıdy jáne sportshyǵa ózin qorǵaýǵa ýaqyt beredi degen úmitte. A.Kolobnevke 4 kún mursat berilip otyr.
Reseılik «Katıýsha» komandasynyń qatarynda óner kórsetýshi A.Kolobnev qaıta taldaý tapsyra alady. Velojarystyń 9-shy kezeńiniń qorytyndysy boıynsha A.Kolobnev 69-shy orynda keledi.
