Reseılik úsh mas er adam Máskeý-Erevan ushaǵy bortynda janjal shyǵarǵan

EREVAN. QazAqparat - Shamamen saǵat 03:40-ta «Zvartnots» áýejaıynyń «Bars» kúzet qyzmetinen Máskeýden Erevanǵa baǵyt ustaǵan ushaqtyń bortynda tártip buzǵan jolaýshy bar ekeni týraly habar túsken, dep habarlaıdy Armenpress.

Oqıǵa ornyna kelgen jedel qyzmetkerler Reseı Federatsııasynyń úsh azamaty Anton N. (1982 j.týǵan), Alekseı I.(1987 jyly týǵan) jáne Aleksandr F. (1967 j.týǵan) iship alyp, mas kúıinde janjal shyǵarǵanyn, bir-birin balaǵattaǵanyn anyqtady.

Tártip buzǵan jolaýshylardy «Zvartnots» áýejaıynyń jelilik polıtsııa bólimine alyp ketti. Oqıǵanyń mán-jaıy anyqtalýda. Sot-medıtsınalyq saraptamasy taǵaıyndaldy. Tergeý júrgizilip jatyr.