Reseılik «Transaero» ushaǵy qonǵan kezinde dońǵalaǵy jaryldy
ASTANA. QazAqparat - Máskeý - Tel-Avıv baǵytymen ushqan reseılik "Transaero" áýe kompanııasynyń Boeing-737 jolaýshylar ushaǵynyń Ben-Gýrıon áýejaıyna qonýy kezinde dońǵalaǵy jarylǵan.
"Gaarets" gazetiniń elektrondyq nusqasy habarlaǵandaı, japa shekkender joq.
Belgili bolǵandaı, bastapqyda dıspetcherler shassıdan shyǵyp jatqan tútindi ańǵarǵan. Keıin ushaqqa órttiń aldyn alý úshin tehnıkalyq mamandar toby men tótenshe jaǵdaılar brıgadasy jóneltildi.
Laıner bortynda 129 adam boldy, olardyń barlyǵy qaýipsiz jerge shyǵarylyp, áýejaı termınalyna jetkizildi.
