Reseılik tennısshi K. Pervak Qazaqstan namysyn qorǵaıtyn boldy
ASTANA. 23 jeltoqsan. QazAqparat - Jasóspirimder arasynda Australian Open-2009 týrnıriniń jeńimpazy reseılik tennısshi Ksenııa Pervak kelesi maýsymnan bastap Qazaqstan namysyn qorǵaıtyn bolady,
dep habarlaıdy Eurosport.
2011 jyly 21 jasar sportshy álemdik reıtıngte 39-satyǵa kóterildi. Bul ázirshe onyń mansabynda jetken eń joǵary kórsetkish bolyp otyr. Sonymen qatar ol bıyl Tashkent týrnırinde birinshi oryn alyp, óziniń sporttyq jolynda alǵash ret kásibı jeńisin toılady. Budan bylaı K.Pervak Halyqaralyq áıelder tennısi qaýymdastyǵynyń saıtynda jarııalanǵan WTA reıtıngisinde Qazaqstan týynyń astynda bolady.
Odan buryn Reseıden azamattyqtaryn aýystyryp, Qazaqstan quramasynyń sapyna ıAroslava Shvedova jáne Galına Voskoboeva kelgen bolatyn.
