Reseılik tennısshi Elena Vesnınanyń Olımpıadadan jeńip alǵan medaldary urlandy

MÁSKEÝ. TASS – QazAqparat – Rıo-de-Janeıro Olımpıadasynyń jeńimpazy jáne Tokıo Olımpıadasynyń kúmis júldegeri, reseılik tennısshi Elena Vesnınanyń Máskeý mańyndaǵy úıi tonaldy, dep habarlaıdy QazAqparat reseılik TASS agenttigine silteme jasap.

Sportshynyń aıtýynsha, onyń úıindegi seıfti buzyp, qymbat buıymdar men Olımpıada meldaryn alyp ketken.

«Men kúıeýimmen birge keshki as iship úıge kelgenmin, Olımpıadadan jeńip alǵan altyn jáne kúmis medaldarymdy jáne seıfti buzyp, qymbat buıymdarymdy alyp ketipti»,-deıdi tennısshi.

Sportshynyń sózinshe, tonaýshylar úıdiń esigin buzyp kirgen. Al erli-zaıypty úıden shyǵarda dabyl belgisin qosýdy umytyp ketken. Urlanǵan zattardyń quny ázirge eseptelgen joq.

Sportshy úıiniń tonalǵany týraly polıtsııaǵa shaǵym túsirgen. Ol quqyq qorǵaýshylardyń úıdi teksergenin atap ótti.

Máskeý mańy polıtsııasynyń qyzmetkerleri tonaý áreketi boıynsha tekserý júrgizilip jatqanyn rastady.

«Shyǵyn kólemi eseptelip jatyr. Jedel-izdestirý sharalary men tergeý júrip jatyr»,-dep habarlady polıtsııadan.