06:16, 16 Maýsym 2015 | GMT +6
Reseılik tanymal ánshi Janna Frıske qaıtys boldy
ASTANA. QazAqparat - Reseıdiń tanymal ánshisi Janna Frıske 41 jasqa qaraǵan shaǵynda ómirden ozdy. Bul týraly onyń ákesi Vladımır Frıske habarlady, dep jazady TASS.
"Janna 15 maýsym kúni túngi saǵat 22-ler shamasynda qaıtys boldy", - dedi ol.
Ánshimen qoshtasý ýaqyty men orny ázirge habarlanbady.
Eske sala keteıik, Janna Frıske 2013 jyly mı obyry dertine ushyraǵan bolatyn.
1996 jyldan "Blestıaşıe" tobynyń quramynda óner kórsetken ánshi sahnaǵa 2003 jyly jeke oryndaýshy retinde shyǵa bastaǵan. "Nochnoı dozor", "Dnevnoı dozor" fılmderine túsken. 2013 jyly Janna Frıskeniń Platon atty uly dúnıege kelgen.
