Reseılik Sý-24M ushaǵyn atyp túsirý oqıǵasyna qatysty QR SІM málimdemesi
ASTANA. QazAqparat - Qazaqstannyń Syrtqy ister mınıstrligi Reseılik Áýe ǵarysh kúshterine tıesili Sý-24M ushaǵyn atyp túsirý oqıǵasyna qatysty málimdeme jasady.
«2015 jylǵy 24 qarashada Reseılik ÁǴK-niń Sý-24M ushaǵyn atyp túsirý qaıǵyly ıntsıdentine qatysty jaǵdaı ókinish týǵyzady. Osy oqıǵa saldarynan reseılik áskerı qyzmetshilerdiń qaza tabýyna baılanysty kóńilimizdi bildiremiz.Qazirgi ýaqytta terrorızmge qarsy halyqaralyq kúres júrgizilýde. Bul baǵytta Reseı de, Túrkııa da áreket etýde. Qazaqstan da bul kúresti qoldaıdy. Osymen qatar, kóp jyldar boıy qalyptasqan Reseı-Túrik qatynastarynyń nasharlaýy qatty alańdaýshylyq týǵyzady. Osy oqıǵa antıterrorıstik kampanııanyń tıimdiligine áser etýi múmkin. Reseı jáne Túrik taraptaryn atalǵan qaıǵyly oqıǵaǵa qatysty den qoıýda ustanymdylyq bildirýge jáne jaǵdaıdy órshitip almaý úshin barlyq is-sharalar men baılanys joldaryn paıdalanýǵa shaqyramyz», delingen habarlamada.
