Reseılik «Spýtnık V» vaktsınasynyń tıimdiligi 92% jetti

NUR-SULTAN. QazAqparat - Reseılik «Spýtnık V» vaktsınasy koronavırýstan 92%-ǵa jýyq qorǵaıdy. Synaqtyń sońǵy satysyndaǵy nátıje The Lancet jýrnalynda jarııalandy. Bul týraly QazAqparat BBC News agenttigine silteme jasap habarlaıdy.

Ǵalymdar bul vaktsına óziniń artyqshylyqtaryn dáleldegenin aıtty.

Ol tıimdiligi tekserilgen «Pfizer», «Oxford / AstraZeneca», «Moderna» jáne «Janssen» sııaqty vaktsınalardyń qatarynda.

Vaktsına egilgennen keıin adam aǵzasynda koronavırýspen kúreske beıimdelgen antıdene paıda bolady. Vaktsınany -2, -8 gradýsta saqtaýǵa bolady.

«Spýtnık V» vaktsınasynyń basqa ekpelerdan ereksheligi - onyń ekinshi nusqasy arada 21 kún ótken soń salynady.

Eki túrli formýlany qoldaný ımmýnıtetti kúsheıtedi. Ol bir vaktsınany eki ret qaıtalap salǵannan jaqsy.

Vaktsına óziniń qaýipsiz ekenin dáleldedi. Vaktsına qabyldaǵannan keıin sharshaý, azdap dene qyzýy kóterilýi sııaqty bolmashy keri áseri bolýy múmkin.

Ekpe egilgender arasynda kóz jumǵan jaǵdaı nemese qatty aýyryp qalǵan jaǵdaı tirkelgen joq.

Atalǵan vaktsına Reseıden bólek Argentına, Venesýela, Vengrııa, Iranda qoldanylady.

The Lancet jýrnalynda vaktsına koronavırýstyń sımptomsyz túrimen aýyratyndarǵa qalaı áser etetini týraly týraly qosymsha zertteý jumystary júrgizilýi kerektigi jazylǵan.