Reseılik sportshy chempıondyq belbeýin qazaq halqyna tartý etti
«Bul jekpe-jekte jeńiske jetip, belbeýdi qorǵaı aldym. Qoldaý bildirgen barlyq jankúıerge rızashylyǵymdy bildiremin. Bul men barlyq ýaqytta yntalandyrady. Sonymen qatar, Beslan Ýshýkovqa densaýlyq tileımin. Ol tamasha sportshy ári laıyq azamat. Qoldaý bildirgen Qazaqstanǵa rahmet, keremet boldy», - dep jazdy Albert Týmenov Instagram-daǵy paraqshasynda.
5 raýndtyq jekte-jektiń 2-raýyndynda Týmenov qarsylasyn nokaýtqa túsirgen bolatyn. Osydan keıin reseılik sportshy chempıondyq belbeýin Qazaqstanda qaldyratyndyǵyn aıtty.
«Bul belbeý dál qazirgi sátte mendegi eń qundy dúnıe. Qazaqstan men úshin, halqym úshin ekinshi Otan sanalady. Bul belbeýdi barsha qazaq halqyna qaldyrǵym keledi. Meniń halqymdy osy jerge qonys aýdarǵanda shynaıy kóńilmen qarsy alǵan bolatyn. Sol úshin úlken rızashylyǵymdy bildiremin. Qazaq halqyna menen estelik bolýy úshin osy belbeýdi Qazaqstanda qaldyrý týraly komandammen, dostarymmen birge sheshim qabyldadyq», - dedi ol.