Reseılik shoýmen ashqan meıramhananyń ataýy ózbekterdiń shamyna tıdi
ASTANA. QazAqparat - Reseılik shoýmen Sergeı Svetlakov Ekaterınbor qalasynda ashylǵan «Eshak» atty meıramhanasynyń ataýyna túsinikteme berdi. Ótken aptada osy qalada turatyn ózbek dıasporasy óz narazylyqtaryn bildirip, quziretti memlekettik organdarǵa shaǵym túsirgen bolatyn, dep habarlaıdy QazAqparat tilshisi «Vedomostı Ýrala» basylymyna silteme jasap.
«Bizdiń jarnamamyzda esektiń sýreti turyp, «Ishak»degen jazý bolsa, oǵan tek esektiń ózi ǵana renjı alady! Meıramhananyń barlyq jarnamalyq materıaldaryn jasaǵanda, biz Shyǵystyń danalyǵy men qonaqjaılylyǵy sııaqty qundylyqtaryna qurmetpen qaradyq. Men úshin esek - balalyq shaǵymdaǵy ertegilerdiń bir keıipkeri. «Shýrıktiń qyzyqty oqıǵalarynda» esek bar. Qojanasyrda esekpen júrdi. Áli esimde, ol sońǵy shelpegin kishkentaı dosymen birge bólisip jeıtin», - deıdi S.Svetlakov.
Onyń aıtýynsha, shyǵys taǵamdaryna arnalǵan meıramhanany ashý bastamasyn kóptegen dıasporalar qoldady. Osyǵan baılanysty ol parkte jınalǵan ózbekterdi máseleni daýys zoraıtqysh arqyly emes, jeke-dara sheshýge shaqyrdy. «Qalaı bolsa da, bizdiń meıramhanamyzda ol adamdardy baı dastarhan men jaqsy sózben qarsy alady», - dep atap kórsetti ártis.
Aıta keteıik, «Eshak» atty meıramhana Ekaterınbor qalasynda ǵana emes, Máskeý men Kıevte de ashylǵan bolatyn.
