Reseılik shekarashylar men kedenshiler «Astana-Oral» poıyzyn teksermeıdi

ASTANA. QazAqparat - Qazaqstan qalasynan shyǵyp, Reseı aýmaǵy arqyly ótkennen keıin qaıtadan elimizdiń aýmaǵyna kiretin poıyzdardy kedenshiler teksermeıdi. Bul týraly Májilistegi jalpy otyrysta «Qazaqstan Respýblıkasynyń keıbir zańnamalyq aktilerine kólik máseleleri boıynsha ózgerister men tolyqtyrýlar engizý týraly» zań jobasyn talqylaý barysynda depýtat Ýálıhan Qaınazarov málim etti, dep habarlaıdy QazAqparat.

Osy oraıda ol irgeles jatqan memlekettiń aýmaǵy arqyly poıyz toqtaýsyz júrgen kezde tekserý jasalmaıtynyn naqtylady.

«Astana-Oral» baǵytynda eki saǵatqa jýyq ýaqyt tekseriske jumsalady. Alaıda bizde basqa da baǵdarlar bar: «Almaty-Oral», «Oral-Aqtóbe», «Astana - Lenınogor». Bul norma engizilgennen keıin poıyzdyń toqtaýsyz qozǵalysy talabymen shekaralyq, kedendik jáne basqa da qadaǵalaý sharalary iske asyrylmaıdy. ıAǵnı jolaýshylar esh tekserýsiz júrip ótedi. Jaqyn arada «Astana-Oral» júrdek poıyzyn iske qosý josparlanyp otyrǵanyn atap ótken jón. Osy oraıda elordadan Oralǵa jyldamyraq jetýge múmkindik bolady»,-dedi Qaınazarov.

QR UKQ Shekara qyzmetiniń dırektory general-maıor Darhan Dilmanovtyń atap ótýinshe, reseılik áriptesterimen tıisti ýaǵdalastyq bekitilgen kórinedi.

«Eger de atalǵan poıyz RF aýmaǵy boıynsha memlekettik shekarany kesip ótken kezde bizdiń jáne Reseı tarapynan qosymsha tekserýmen qamtylmaıdy. ıAǵnı shekaralyq ári kedendik qadaǵalaý jasalmaıdy. Bul rette tranzıttik talap nazarǵa alynady. Osy turǵyda reseılik shekara qyzmetimen ýaǵdalastyq jasaldy. Bul poıyzdardyń Reseı aýmaǵynan tekserýsiz ótetindigi jańa tártipte qarastyrylǵan»,-dedi ol.