Reseılik sarapshylar Máskeýde Prezıdenttiń Qazaqstan halqyna Joldaýyn talqylady
Kezdesýdi ashqan Qazaqstannyń Reseıdegi Elshisi Ermek Kósherbaev pandemııanyń áserine qaramastan Qazaqstanda da, Reseıde de ósý, alǵa jyljý baıqalady, keıbir kórsetkishter qazirdiń ózinde 2019 jáne 2020 jyldardaǵy kórsetkishterden asyp tústi. Elshi atap ótkendeı, pandemııa tsıfrlandyrýdy yntalandyrdy, kóptegen bıznes-protsesterdi qaıta qaraýǵa májbúr etti, bul adamdardy shyǵarmashylyqpen oılaýǵa ıtermeledi. Osy turǵydan alǵanda, Prezıdent daǵdarys ortalyǵyn menedjerlerdiń shyǵarmashylyq qyzmetine aýdarýy, baǵdarlamalyq qujatta qoıylǵan mindetterdi tabysty júzege asyrý úshin keń múmkindikter ashatyndyǵy bıylǵy Joldaýdyń ereksheligi bolyp tabylady.
Óńirlik máseleler ınstıtýtynyń ǵylymı jetekshisi Dmıtrıı Jýravlev barlyq Joldaýlardyń basty nazarynda halyqtyń ómir súrý deńgeıin arttyrý mindeti turǵanyn eske saldy. Ol: «Bul jerde jalaqy men zeınetaqyny kóterý jáne ınflıatsııany kótermeý týraly dılemma týyndaıdy. Alaıda, Prezıdent bıylǵy Joldaýynda ınflıatsııanyń monetarlyq emes quraýyshtary – aqsha massasynyń qysqarýy emes, baǵa belgileý máselesi týraly aıta otyryp, osy shılenisti sheshedi», – dedi.
Sarapshynyń aıtýynsha, Memleket basshysynyń tapsyrmalarynyń tabysty oryndalýy, eń aldymen, jergilikti deńgeıde memlekettik basqarýdyń sapasyna da baılanysty. Utymdy úkimetti qurý ońaı, biraq utymdy aýdan ákimshiligin jınaý qıyn dep qorytyndylady Jýravlev.
«Mınchenko Konsaltıng» kommýnıkatsııalyq holdınginiń taldaý departamentiniń basshysy Kırıll Petrov Joldaýda aıtylǵan beıbit atomdy damytý jónindegi mindetke nazar aýdardy. Sarapshy atap ótkendeı, Qazaqstan basshylyǵy kómir dáýiriniń birtindep quldyraýyn, 2030 jylǵa qaraı elektr energııasynyń tapshylyǵyn durys qabyldady. Osyǵan baılanysty, jańartylatyn energııa kózderinen basqa, senimdi bazalyq energııa generatsııasynyń kózderi týraly da oılaný qajet.
Máskeý memlekettik ýnıversıtetiniń Aqparattyq -taldaý ortalyǵy dırektorynyń orynbasary Aleksandra Permınova Joldaýdyń áleýmettik sıpatyn atap ótti. «Aqparattyq óris boıynsha aıtar bolsaq, qazaqstandyqtardyń basym bóligi qujatta qoıylǵan ınflıatsııaǵa qarsy kúres, baǵa belgileý, jalaqyny ósirý, medıtsına men bilim berý sapasyn arttyrý boıynsha mindetterdi úlken yqylaspen jáne qyzyǵýshylyqpen qabyldady», – dedi ol. Sondaı-aq onyń aıtýynsha, Joldaýdyń ataýyna engizilgen «Halyq birligi» tirkesi sońǵy ýaqytta medıakeńistikte júrgen ulttardyń quqyqtaryna nuqsan keltirý taqyrybynyń oılastyrylǵanyn aıǵaqtaıdy.
Qazaqstan men Reseıdegi kóptegen máselelerdiń úndestigi men uqsastyǵy týraly aıta otyryp, sarapshylar ónerkásiptik kooperatsııany belsendi damytýǵa jáne ónerkásiptik ónimdi satý salasynda kadrlardy daıarlaýǵa shaqyrdy, óıtkeni bul salada básekelestik shıkizat satýmen salystyrǵanda salystyrmaly túrde joǵary.
Pikirtalasty qorytyndylaı kele, onyń qatysýshylary Joldaý ekonomıkalyq turaqsyzdyq jaǵdaıynda ómir súrý sapasy men áleýmettik ál-aýqattyń ósýin qamtamasyz etýge múmkindik beretin sharalardyń júıeli jospary bolyp tabylady degen qorytyndyǵa keldi.
Sarapshylar atap ótkendeı, eń bastysy, bul Joldaý áreketke baǵyttaýshy. Olardyń pikirinshe, Joldaýda belgilengendeı, ekonomıka men áleýmettik salany damytý, Memlekettik basqarý qurylymdaryn túzetý – azamattardyń ómirin jaqsartýǵa yqpal etýi tıis.
