Reseılik sarapshylar Qazaqstanda bolatyn Májilis depýtattaryn saılaý úderisin talqylady
ASTANA. QazAqparat - Máskeýde «Qazaqstandaǵy merziminen buryn parlamenttik saılaý jáne reseılik-qazaqstandyq qatynastardyń múmkindikteri» taqyrybynda dóńgelek ústel ótti.
Sharany M.V. Lomonosov atyndaǵy MMÝ postkeńestik keńistikti zertteý boıynsha aqparattyq-saraptamalyq ortalyǵy men «Rossııa segodnıa» HAA-nyń Zınovev klýby uıymdastyrdy.
Jetekshi reseılik sarapshylar men saıasattanýshylar Májilis saılaýynyń ótý sebepterin, jańa saılaý tsıkliniń ereksheligin talqylap, búgingi reseılik-qazaqstandyq qatynastarǵa baǵa berdi.
Dóńgelek ústel moderatory, M.V. Lomonosov atyndaǵy MMÝ postkeńestik keńistikti zertteý boıynsha aqparattyq-saraptamalyq ortalyǵynyń bas dırektory Sergeı Rekeda Reseıdiń Qazaqstandaǵy saılaýǵa qyzyǵýshylyq tanytyp jatqanyn atap ótti.
Óńirlik máseleler ınstıtýtynyń dırektory Dmıtrıı Jýravlev dál qazir saılaýdyń ótýi oryndy ekenin aıtty. Óıtkeni kúrdeli ekonomıkalyq jaǵdaı strategııalyq sheshimderdi talap etedi.
Onyń pikirinshe, saıası júıe saıası elıta jańarǵan jaǵdaıda ilgeri basady.
«Qazirgi Qazaqstandaǵy saılaý eldegi kadrlyq quramdy jańartýdyń jaqsy múmkindigi. Bul turaqtylyqqa zııanyn tıgizbeıdi, degenmen ary qaraı damýǵa serpin beredi», - dedi ol.
«Sever-ıÝg» saıasattaný ortalyǵynyń jetekshi sarapshysy Aleksandr Karavaev Májilis saılaýynan bólek jergilikti bılik organdarynyń- máslıhat saılaýy ótetinin, oǵan 3 395 adam saılanatynyn eske saldy. Ol qzirgi saılaýdy atqarýshy bıliktegi sheneýnikterdiń biliktiligine synaq júrgizý sekildi depýtattyq korpýsty qaıta attestatsııalaýdyń balamasy retinde salystyryp kórsetti.
EAEO Instıtýtynyń dırektory Vladımır Lepehın Qazaqstan postkeńestik keńistiktegi jańǵyrýdy bastan keshirip otyrǵan jalǵyz el ekenin aıtty.
