Reseılik sarapshy Joldaý týraly: Qalalardy damytý mańyzdy baǵyttardyń biri

MÁSKEÝ. QazAqparat - Joldaýdyń negizgi baǵyttaryn baǵyndyrǵan jaǵdaıda, Qazaqstandy zor bolashaq kútip tur. «Eýrazııalyq damý bankiniń» bas ekonomısi ıAroslav Lısovolık qazaqstandyq jýrnalısterge bergen suhbatynda osyndaı pikir aıtty, dep habarlaıdy «QazAqparat» HAA tilshisi.

Sarapshynyń aıtýynsha, Elbasy Joldaýy qazirgi álemdik ekonomıkada baıqalyp jatqan negizgi  úrdistermen tyǵyz baılanysty.

«Biz qazir adam kapıtaly jáne tsıfrlyq tehnologııalardy damytýdyń mańyzdylyǵyn kórip otyrmyz. Damyǵan elder arasynda  osy salany damytý boıynsha úlken báskelestik júrip jatyr. Qazaqstan damyǵan 30 eldiń qataryna kirýdi maqsat etken el bolǵandyqtan, baǵytty durys tańdap otyr», -  dedi ıAroslav Lısovolık.

Sarapshynyń oıynsha, adam kapıtalyn damytý turǵysynan Joldaýdaǵy bilim jáne densaýlyq salasyna basymdylyq berilýi óte mańyzdy.

«Sońǵy onjyldyqtaǵy barlyq ekonomıkalyq zertteýlerdiń negizi adam kapıtalynyń damýy bolyp tabylady. Ol uzaq merzimdik josparlarda ekonomıkalyq ósý qarqynyn aıqyndaıtyn ekonomıkalyq ósýdiń kilti bolyp tabylady. Kóptegen elderdiń sońǵy onjyldyqtaǵy jetistikteri adam kapıtalyn damytýmen baılanysty», - dedi  ıA. Lısovolık

ıAroslav Lısovolık Qazaqstan úshin de, Eýrazııa aımaǵyndaǵy barlyq elder úshin de áleýetti ósý faktorlarynyń biri bolyp tabylatyn eńbek ónimdiliginiń artýyn atap ótti.

«Qazaqstan Prezıdentiniń qalalardy damytý baǵyty týraly aıtqany óte mańyzdy. Álemdegi aldyńǵy qatarly makroekonomıkalyq kórsetkishterdiń elder osyǵan kúsh salýda. Meniń oıymsha bul óte durys», - dedi ol.

Joldaýdaǵy  qarjy sektory men makroekonomıkalyq turaqtylyqty damytý qajettiligine toqtalyp ótken sarapshy «Qazaqstan Respýblıkasynyń Prezıdenti sheshimin kútip turǵan eń negizgi máselelerdiń birin durys atap ótti», - dedi.

«Negizinen, sońǵy birneshe jyl ishinde makroekonomıkalyq kórsetkishter boıynsha Qazaqstan biraz jetistikterge jetti. Sondyqtan Prezıdent belgilegen negizgi maqsattarǵa qol jetkizgen kezde, Qazaqstan óziniń ekonomıkalyq ósý qarqynyn ustap turyp qana qoımaı, odan ári jedeldetip, álemdik ekonomıkanyń jetekshi elderiniń qatarynda joǵary órleý múmkindigine ıe»,- dep atap ótti sarapshy.