Reseılik sarapshy: Qazaqstanda saılaý naýqany turaqty júrip jatyr
MÁSKEÝ. QazAqparat - Qazaqstanda saılaý naýqanynyń barysy turaqty júrip jatyr. Bul pikirdi «QazAqparat» HAA tilshisine Máskeýde M. V. Lomonosov atyndaǵy irgeli kitaphanada ótken «Qazaqstan joly»: turaqtylyq pen ornyqty damý faktorlary» atty ǵylymı konferentsııada Reseı saıası konıýnktýra ortalyǵynyń bas dırektory Sergeı Mıheev bildirdi.
Qazaqstanda ótetin prezıdenttik saılaý nátıjelerin boljaýǵa qatysty S. Mıheev: «Men sarapshy retinde jaǵdaıdy taldaı otyryp aıtarym: Nursultan Nazarbaev nómir birinshi kandıdat, oǵan barsha qazaqstandyqtar senim artady», - dep atap ótti.
«Bul obektıvti shyndyq», - dedi ol.
Sarapshy Qazaqstandaǵy bul jaǵdaı tolyqtaı demokratııalyq qaǵıdattarǵa jaýap beretinine toqtaldy, bul rette demokratııa degenimiz ornyqty damý men saılaýshylar tarapynan qoldaý tabý.
«Demokratııa - kóshbasshy jeńiske jetetin shynaıy damý», - dedi Mıheev.
Ol qazirgi QR Prezıdenti jeńisiniń kepili - qazaqstandyqtardyń oǵan degen senimi ekenin aıtty.
