Reseılik sarapshy Elbasynyń bes áleýmettik bastamasyna qatysty pikir bildirdi

ASTANA. QazAqparat - Reseıdegi prezıdent saılaýyna sanaýly kúnder qaldy. Segiz úmitker áli de saılaýaldy úgit-nasıhat jumystaryn jalǵastyryp jatyr, dep habarlaıdy Reseıdegi Qazaqstan elshiliginiń saıty.

Olardyń basym bóligi áleýmettik máseleni sheship, ekonomıkalyq teńsizdikti azaıtamyz dep ýáde berip otyr. Máselen, parlamenttik "Lıberaldy-demokratııalyq partııa" men "Kommýnıstik partııa" az qamtylǵan otbasylarǵa salyq kólemin azaıtýdy usyndy.

Bul turǵyda ekonomıster Reseıde qazaqstandyq tájirıbeniń júzege asýy múmkin ekenin aıtady. Eýrazııalyq damý bankiniń bas ekonomısi ıAroslav Lısovolıktiń pikirinshe, Qazaqstan prezıdenti kótergen bes áleýmettik bastama, ásirese, jalaqysy az qazaqstandyqtar úshin salyq júktemesin azaıtý, joǵary bilim alýǵa jaǵdaı jasaý, shaǵyn jáne orta bızneske nesıe berý halyqtyń ómir súrý deńgeıin jaqsarta túseri aıdan anyq.

- Qazaqstan - turǵyndar kirisiniń teńsizdigin azaıtý jaǵynan eýrazııalyq keńistiktegi tabysty ekonomıkasy bar elderdiń biri. Mundaı shara salyq júktemesiniń kóptigin azaıtý úshin jasalyp otyr. Eń aldymen, halyqtyń az qamtylǵan toptary úshin salyq júktemesin tómendetý jóninde aıtsaq, Qazaqstan - bul sharalardy júzege asyrý barysynda aldyńǵy qatardaǵy el»,-deıdi Eýrazııalyq damý bankiniń bas ekonomısi ıAroslav Lısovolık.

Foto: kazembassy.ru