Reseılik rejısser Tomırıs patshaıym týraly fılm túsirýdi armandap júrgenin aıtty
rat /Erlik Erjanuly/ - Reseılik rejısser, akter, stsenarıst jáne prodıýser Egor Mıhalkov-Konchalovskıı Tomırıs patshaıym týraly fılm túsirýdi armandap júr.
Ol bul oıyn keshe Almatyda «A»-ǵa oralý» (Vozvraşenıe v «A») fılminiń aýǵandyq ardagerlerge arnalǵan áleýmettik kórsetilimi kezinde bildirdi.
«1998 jyldan beri Qazaqstanda Tomırıs patshaıym týraly fılm túsirýdi armandap júrmin. Men kúte bilem. Oǵan deıin basqa bireýler de túsirýi múmkin. Biraq men báribir óz nusqamdy jasaımyn», - Egor Mıhalkov-Konchalovskıı. Kınorejısaer Andreı Mıhalkov-Konchalovskıı men aktrısa Natalıa Arynbasarovanyń otbasynda ómirge kelgen ol ózin Reseıde - orys, al Qazaqstanda - qazaqpyn dep tanystyrady. Sondyqtan anasynyń arǵy ata-babalary sanalatyn áıgili saq patshaıymy týraly arnaıy fılm túsirýdi óziniń bir paryzy sanaıdy.
Bizdiń dáýirimizge deıingi 570-520 jyldary ómir súrgen Tumar (Tomırıs) hansha saq halyqtarynyń baıyrǵy zamanda el bılegen ataqty patshalarynyń biri. Parsynyń jeńilýdi bilmegen áıgili patshasy Kırdiń (j.j.s.d. 558 - 530) Orta Azııaǵa basqynshylyq joryǵyn toqtatty. Áskeri qııan-keski surapyl shaıqasta jeńilis tapqan Kırdiń ózi urys dalasynda kóz jumady. Al jeńimpaz Saq hanshaıymynyń esimi urpaqtan-urpaqqa ańyz bop tarap, ár dáýirde ol týraly túrli shyǵarmalar ómirge kelgen.
