Reseılik «Proton-M» zymyrany amerıkandyq «EkoStar-14» jerserigin orbıtaǵa shyǵardy
BAIQOŃYR. Naýryzdyń 22-si. QazAqparat /Sara Qabıqyzy/ - Naýryzdyń 21-i, jeksenbige qaraǵan túni, Astana ýaqyty boıynsha saǵat 0.27-de «Baıqońyr» ǵarysh aılaǵynan «Proton-M» zymyrantasymaldaǵyshy ushyryldy. Ol orbıtaǵa amerıkandyq «Ekostar-14» telekommýnıkatsııalyq jerserigin alyp shyqty.
Reseıdiń M.Hrýnıchev atyndaǵy memlekettik ǵaryshtyq ǵylymı-óndiristik ortalyǵynyń baspasóz qyzmetinen habarlaǵandaı, ushyrý shtattyq rejımde ótti.
«Ekostar-14» jerserigi - «Proton» zymyrantasymaldyǵyshtary orbıtaǵa jetkizgen sheteldik ǵarysh apparattarynyń eń aýyry. Onyń salmaǵy - 6300 keliden asady. Amerıkandyq Echostar jerserik baılanysy operatory úshin «Ekostar-14» jerserigin Space Systems Loral kompanııasy jasaǵan.
