Reseılik promoýterler Klıchko-Fıýrı kezdesýin Groznyıda ótkizý úshin $18 mln usynǵan
ASTANA. QazAqparat - Reseılik promoýterler Vladımır Hrıýnov pen Ýmar Kremlev sýper aýyr salmaqtaǵy úsh bedeldi nusqa boıynsha bokstan álem chempıony Vladımır Klıchko men tıtýlǵa mindetti túrdegi úmitkerlerdiń biri brıtanııalyq Taıson Fıýrı arasyndaǵy jekpe-jekti Groznyıda ótkizý úshin $18 mln dollardan astam qarajat usynǵan.
Bul týraly reseılik promoýter Vladımır Hrıýnov Instagram áleýmettik jelisinde habarlady.
Klıchko men Fıýrı kezdesýi 24 qazanda nemistiń Dıýsseldorf qalasynda ótedi.
Fıýrı Dúnıejúzilik boks uıymynyń nusqasy boıynsha Interkontınentaldyq chempıon tıtýlyna ıe jáne ol álem chempıony tıtýlynyń mindetti úmitkeri.
39 jastaǵy Klıchko kásibı rıngte 27 tıtýldyq jekpe-jek ótkizdi.
