Reseılik polıtseıler Lexus mingen azamatty óltirmek bolǵan adamdy atyp tastady
ASTANA. QazAqparat - Reseı astanasy Máskeýde polıtsııa qyzmetkerleri Lexus mingen kásipkerge qastandyq jasaýy múmkin dep kúdik keltirilgen adamdy atyp tastady. Kúdikti tártip saqshylaryn granatamen qorqytqan, dep habarlaıdy Máskeý qalasy ishki ister basqarmasynyń baspasóz qyzmeti.
Jaısyz oqıǵa týraly búgin Rıa Novostı agenttigi jazdy. Sársenbi kúni Máskeý qalasynyń ortalyǵynda Lexus kóliginiń ıesine qastandyq jasaldy. Shmıt ótkelinde belgisiz bireý Lexus kóligin júrgizip kele jatqan azamatqa oq atyp, Mercedes kóligine minip, izin sýytqan.
1971 jyly týǵan er azamat basynan jaraqat alyp aýrýhanaǵa jetkizildi. Atalǵan fakti boıynsha, qastandyq jasaý jáne zańsyz qarý saqtaý áreketteri negizinde is qozǵaldy. Tergeý komıtetiniń málimetteri boıynsha, qastandyq áreketiniń negizgi sebebi zardap shekken azamattyń kásipkerlik qyzmetimen baılanysty.
«21 qańtar kúni Şelkovsk avtojolynyń boıynda kúdikti azamatty ustaý kezinde ol arnaıy áskerı jasaq jaýyngerlerine qarsylyq kórsetip, granataǵa uqsas zatpen qorqytqan. Polıtsııa qyzmetkerleri tabeldi qarýdy qoldanýǵa májbúr bolyp, kúdikti alǵan jaraqattarynyń saldarynan kóz jumdy»,-delingen habarlamada.
