Reseılik polıtseıler 14 jyl boıy qashyp júrgen qostanaılyqty ustady
QOSTANAI.QazAqparat - Qostanaılyq tərtip saqshylary Reseı polıtsııasymen birge 14 jyl boıy izdeýde júrgen qylmyskerdi qamaýǵa aldy, dep habarlaıdy QazAqparat tilshisi oblystyq ІІD baspasóz qyzmetine silteme jasap.
11 qazanda memleketaralyq "Іzdeý" operatsııasy barysynda RF Ekaterınbýrg qalasynda 40 jastaǵy QR azamaty ustaldy. Ol Qostanaı aýdanynda eki ret mal urlyǵymen aınalysqany úshin aıyptalýda. Belgili bolǵandaı, 2002 jyly Maıkól aýylynda óziniń seriktesimen bir jylqy men sıyrdy barymtalaǵan. Keıin bular Ýdarnık aýylyna kelip, taǵy birneshe túlikti alyp ketken. Urylarǵa izdeý salynyp, Qostanaı soty shartty túrde jaza taǵaıyndady.
"Polıtseıler olardy 14 jyl boıy izdedi. Bir qylmysker əıeli jəne úsh balasymen birge RF terrıtorııasyna qashyp kelgen. Munda jumys istemegeni anyqtaldy. Tek zańsyz túrde qurylys jumystarymen aınalysyp kelgen", - dedi vedomstvo ókili.
Uryny tabý úshin qostanaılyq tərtip saqshylaryna RF Sverdlov oblysynyń polıtseıleri kómektesti. Olar uryny jaldamaly páterinen tapqan.
Qazirg sətte barymtashy Ekaterınbýrg túrmesinde otyr. Aldaǵy ýaqytta Qostanaıǵa aýystyrylady.
