Reseılik «Poddýbnyı» fılminde túrik palýanyn qazaq somdady
ASTANA. 24 shilde. QazAqparat - Reseılik «Poddýbnyı» fılminde túrik palýanyn tanymal qazaqstandyq akter Dáýlet Ábdiǵapparov somdady, dep habarlaıdy «Meloman» portaly.
Reseılik rejısser Gleb Orlovtyń atalmysh fılmi Qyrymda túsirilgen. Týyndynyń alǵashqy kórsetilimin túsirýshiler 2013 jyldyń kóktemine belgileýde. Ómirbaıandyq kartına áıgili orys palýany týraly baıandaıdy. Basty rólde RF akteri Mıhaıl Porechenkov oınaıdy.
G. Orlov qazaqstandyq akterdi synap kórgennen keıin, birden túrik palýanynyń róline maquldaǵan.
«Maǵan Mıhaıl Porechenkovpen bir kınoda oınaýǵa alǵash ret múmkindik berilip otyr. Onymen bir alańda túsý óte qyzyq. Ivan Poddýbnyıdyń róline ony bir jyl daıyndapty. Oǵan salmaq qosý kerek bolǵan. Sol maqsatta oǵan arnaıy dıetolog pen bapker berilgen. Men sol kezderi ataǵy jer jarǵan túrik palýany Qara Ahmet pashany somdap kórdim. Meni osy rólge bekitkende qatty tań qaldym jáne qýandym. Poddýbnyıdan bir bas bıik palýan kerek boldy jáne men bul beınege saı keldim. Túsirilim barysynda aıtarlyqtaı qıyndyqtar bolǵan emes, óıtkeni alańda keı jerlerde dýblerlar qatystyryldy. Mıhaılmen birge jumys isteıtinimdi estigende, men oǵan arnaıy syı retinde nardy oıynyn daıyndadym. Túsirilimnen qoly qalt etken kezde ol nardy oınady», - deıdi D. Ábdiǵapparov.
