Reseılik otbasy Qostanaı oblysyndaǵy jol apatynan zardap shekti
QOSTANAI. QazAqparat - Qostanaı oblysynda tas jolda shaǵyn avtobýs pen jeńil kólik soqtyǵysyp, reseılik otbasy men Qyrǵyzstan azamaty zardap shekti, dep habarlaıdy QazAqparat Qostanaı oblystyq TJD baspasóz qyzmetine silteme jasap.
Jol-kólik oqıǵasy keshe keshke Almaty - Ekaterınbýrg tas jolynda boldy.
«Tas joldyń 390 shaqyrymynda «Toyota Estima» markaly shaǵyn avtobýs pen «Toyota sorolla» jeńil kóligi soqtyǵysty. Sonyń saldarynan 5 adam zardap shekti. Barlyǵy Qarabalyq ortalyq aýdandyq aýrýhanasyna jetkizildi», - dep habarlady TJD-dan.
Belgili bolǵandaı, jol apatynan reseılik otbasy men 1981 jylǵy Qyrǵyzstan azamaty jaraqat alǵan.
