Reseılik otandastardyń kongresine álemniń 90 elinen delegattar jınalady
MÁSKEÝ. Qarashanyń 20-sy. QazAqparat /Arnur Rahymbekov/ - Reseılik otandastardyń kongresi álemniń 90 elinen keletin delegattardyń basyn qosqaly otyr.
Bul týraly Reseı Syrtqy ister mınıstrliginde ótken baspasóz máslıhatynda otandastarmen jumys jónindegi departamenttiń dırektory Aleksandr Chepýrın habarlady.
Kongreske barlyǵy 1 myńdaı delegat keledi dep kútilýde jáne olardyń jumystary taqyryptyq sektsııalarǵa bólinedi.
A.Chepýrınniń aıtýynsha, kongreske Qazaqstannyń orys dıasporasynyń ókilderi qatysady. Keńeste talqylanatyn ózekti máselelerdiń biri - Reseıde tirkelý amaldaryn ońtaılandyrý jaıy, sondaı-aq reseılik otandastardyń qonys aýdarý baǵdarlamasynyń keıbir aspektileri bolmaq.
