Reseılik oppozıtsııa ókili Garrı Kasparov Latvııanyń azamattyǵyn surap otyr
ASTANA. 5 qarasha. QazAqparat - Reseılik oppozıtsııa ókili, shahmattan álem chempıony Garrı Kasparov erekshe eńbegi úshin azamattyq alý ótinishimen Latvııa Seımasyna (Parlament) jolyqty.
Sheteldik BAQ-tyń málimetinshe, sonymen qatar Kasparov reseılik azamattyqty saqtap qalǵysy keletinin alǵa tartýda.
Atap aıtqanda, Seım Latvııa aldyndaǵy erekshe eńbegi úshin azamattyqty berý quqyǵyna ıe.
Bıylǵy maýsymda Jenevada saıası qaıratker Garrı Kasparov reseılik bılik tarapynyń qýǵynynan qorqyp, eline oralýdan bas tartyp otyrǵandyǵyn málimdegen bolatyn.
«Saıası belsendilerdiń qyzmetterine tekserýdiń jalǵasýy maǵan da tıetindigi túsinikti. Meniń Máskeýge oralǵannan keıin qaıta keri shyǵa alatyndyǵyma senimim az. Sondyqtan da biraz ýaqyt Reseıge oralýdan bas tarta turamyn», - dedi ol.
