Reseılik óndirýshilerdiń ónimderinen stafılokokk pen ishek taıaqshasy tabyldy

NUR-SULTAN. QazAqparat – Reseılik óndirýshilerdiń ónimderinen stafılokokk pen ishek taıaqshasy tabyldy. Bul týraly QazAqparat Ulttyq saraptama ortalyǵynyń baspasóz qyzmetine silteme jasap habarlaıdy.

Qostanaı oblysynyń dúken sórelerine túsken reseılik óndirýshilerdiń et ónimderinen qaýipti bakterııalar anyqtaldy.

Osylaısha, QR Densaýlyq saqtaý mınıstrliginiń Ulttyq saraptama ortalyǵynyń mamandary óndirýshi «Chınkova» JK (Chelıabi oblysy) usynǵan «Premıým» pisirilgen shujyǵynan patogendi stafılokokk tapty.

Sondaı - aq, Qostanaı oblysy boıynsha USO mamandary reseılik óndirýshi «Smırnov» JK (Chelıabi oblysy) ónimderiniń «Kotletnyı» broıler-balapandar etinen jasalǵan jartylaı fabrıkatta ishek taıaqshasy tobynyń bakterııasyn anyqtady.

Іshek taıaqshalary tobynyń bakterııalary «Saran konservi zaýyty» AQ (Mordovııa Respýblıkasy, Reseı) óndiretin qoıyltylǵan sút synamalarynan da tabyldy.

Úlgilerdi aǵymdaǵy jyldyń qańtar aıynda halyq tutynatyn taýarlar sapasynyń monıtorıngi sheńberinde QR DSM SEBK Qostanaı oblysy boıynsha sanıtarlyq-epıdemıologııalyq baqylaý departamenti satyp aldy.

Bul zerttelgen ónim Keden odaǵynyń tehnıkalyq reglamentteriniń talaptaryna sáıkes kelmeıdi: «Tamaq ónimderiniń qaýipsizdigi týraly» KO TR 021/2011, «Et jáne et ónimderiniń qaýipsizdigi týraly» KO TR 034/2013, «Sút jáne sút ónimderiniń qaýipsizdigi týraly» KO TR 033/2013.

Qazirgi ýaqytta sanıtarlyq-epıdemıologııalyq baqylaý departamenti densaýlyqqa qaýipti ónimderdi alý jáne joıý boıynsha sharalar qabyldaýda.