Reseılik NTV arnasy qazaqstandyq balanyń emine aqsha jınap jatyr
ASTANA. QazAqparat - Reseılik NTV arnasy kózdiń qaterli isigine shaldyqqan bes jasar Elberd Ibragımovtiń emine aqsha jınaı bastady.
«Oǵan týǵan elinde kómektese almaǵan. Qolushyn máskeýlik dárigerler sozyp otyr. Bala hımıoterapııadan ótýi tıis, biraq kópbalaly otbasynyń aqshasy jetkiliksiz, taǵy 300 myń rýbl qarajat jınaý qajet», - dep habarlady NTV.
«Qazaqstanda dárigerlerge júgindik, olar eshteńe anyqtaı almady. Sodan keıin Novosıbırskige keldik. Onda naqty dıagnoz qoıyldy, onkologııa eken», - deıdi balanyń ákesi Rýslan Ibragımov.
Onyń aıtýynsha, Novosıbrıskide dárigerler Blohın atyndaǵy ortalyqqa barýdy usynǵan. Onda retınoblastomadan kóptegen bala jazylyp shyqqan. Elberdke tekserýlerden keıin hımıoterapııa taǵaıyndaldy. Biraq ol qymbat turady. Degenmen, ata-anasy jaz boıy óz betterimen aqsha jınap, uldarymen birge aýrýhanaǵa jatqan.
