Reseılik nómiri bar kólikterge tekseris kúsheıdi - Qostanaı
QOSTANAI. QazAqparat - Tártip saqshylary reseılik nómirleri bar kólikterge tekseristi kúsheıtti, dep habarlaıdy QazAqparat oblystyq polıtsııa departamentiniń baspasóz qyzmetine silteme jasap.
Jyl basynan beri zań buzǵan kólik júrgizýshileri 15 mıllıon teńge aıyppul tólegen.
«Búginde reseılik nómirleri bar kólikterge tekseris kúsheıdi. «Boryshker» operatsııasy barysynda osyndaı myńdaǵan kólik «Avtoýragan» júıesine engizildi. Endi bul kólikterdiń ıeleri izdestirilip, aıyp turaǵyna jetkiziledi», - delingen PD baspasóz qyzmeti habarlamasynda.
Qostanaı oblysy polıtsııa departamentiniń ákimshilik tájirıbe bóliminiń bastyǵy Serik Ábdihalyqovtyń aıtýynsha, ýchaskelik polıtsııa ınspektorlary quqyq buzýshylardy turǵylyqty jeri boıynsha izdestirýde.
Sondaı-aq boryshkerler jol-tehnıkalyq jáne tirkeý-emtıhan qyzmetine qatysty qandaı da bir operatsııalardy júrgizý kezinde tekseriledi.
